اتكلمنا عن الحب

برنامج حياتى

اتكلمنا عن الحب .. والبداية تكون بحب الله تعالى
وحب الله عز وجل يبنى على الإيمان به
والمؤمن بالله .. مؤمن بكتابه .. مؤمن برسوله
طيب وهو الإيمان وحده .. كفاية
يعنى عايزة تقولى أنه مش كفاية؟؟؟
طبعا .. أكيد
ليه طبعا وأكيد ؟؟
لأن الإيمان ببساطة بداية طريق سليم
وفين باقى الخطوات الى نمشيها؟؟
فين المهمة الى هنفوم بيها؟؟
متقلقوش .. كله هنقوله .. لكن فى وقته
كنا بنقول ايه
اه
مع الإيمان اليقينى بالله تعالى .. مطلوب الاستقامة
يعنى أفعال وسلوكيات
بمعيار تبع منهج .. والأمر مش محير أبدا
المنهج ربنا أنزله
ونبيه بلغه
حد له حجة .. حد مش عارف
كلامى مش غريب أبدا
طب والمطلوب؟؟
شوفوا يا حابيبى .. الموضوع ببساطة .. إن إحنا لينا منهج
نتعلم منه ونفهمه .. ونطبقه
هنطبقه إيه ؟؟ عملى
يعنى لازم نعمل حاجة
ومن دلوقتى نبدأ
ورقة وقلم لو سمحتم
ها .. تمام
كل واحد من أول ما يفتح عينه لحد ما بيغمضهم
بيعمل إيه؟؟
يومه الى هو ثروته وكنزه .. بيمر إزاى
بيدأ إزاى؟؟ .. وينتهى إزاى؟؟
هل فى إضافة؟؟ .. ولا زى ما أحنا؟؟
مش عايزة أقول التالتة لحسن دى كارثة
يعنى المهم يا نتقدم .. يا على أقل الاحتمالات متوقفين..
غير كده .. أبدا مش مسموح
ومن خلال برنامج مرن .. وشديد المرونة التامة
تمشى حياتنا
وتمر أيامنا
وإحنا بنحقق أهدفنا .. وبنمى ثقافتنا
وبنرتقى فى تحسن مستمر
تحسن مستمر
كده فعلا نحس إننا بنعمل حاجة
وبنضيف شئ لحياتنا .. مهما كان بسيط
ممكن مستقبلا .. يكون للإضافة البسيطة
شأن عظيم
يا ريت نهتم بفكرة البرنامج
ونتصور مع بعض
ممكن يكون إزاى؟؟
يعنى .. نتشارك بأفكار .. وكل منا يقول رأيه.. ونتابع مع بعض
دايما مع بعض...

لو عاوزين...........ارفعوا ايديكم وقولوا...يااااااااااارب

يااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب

محتاجلك

قال تعالي





وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ





وقال تعالي أيضا





وقَالَ رَبُّكُمُ ادْعُونِي أَسْتَجِبْ لَكُمْ


ماتيجوا نرفع ايدينا بقي

ماتيجوا ننسي كل حاجة

ونرفع ايدينا لربنا

ونسلم له نفسنا

ونقوله يارب

كلمه

قوله يارب محتاجلك

اشكي له

احكي له

ارمي كل حمولك عليه

ليه بعدنا كدة

ليه دموعنا بين ايديه قلت

ليه قلوبنا قسيت

ليه

ماتيجوا نروح له

نخبط علي بابه

نخبط جامد قوي

ماتيجوا نصرخ بعلو الصوت ونقوله

يارب تعبانين

يارب مخنوقين

يارب مالناش غيرك

يارب كل الابواب اتسدت وعشمنا كله في بابك


ماتيجوا نساله

انت راضي عننا يارب

راضي عني يارب

يارب انا عارف اني بشر

والبشر بيغلط وبينسي وبيبعد

لكن انا تعبت من البعد يارب

حسيت اني مش عايش وانا بعيد عنك

حسيت ان الدنيا كل يوم بتلهيني

وبتبعدني

لكن خلاص فوقت وندمت

ندمت علي كل لحظة كنت بعيد فيها

ورجعت

وببكي

وبصرخ

وبقولك ارحمني يارب

توب عليا يارب

بارك خطواتي يارب

يسر لي امري يارب

اشرح لي صدري يارب

خفف همي يارب

لو اصابك خير

برده روح له

واشكره

قوله الف حمد وشكر ليك يارب

لو اصابك مكروه

روح له

قوله صبرني يارب

قويني يارب

ماتيجوا نروح له كل يوم

ان شاء الله خمس دقايق

ساعة الغروب

ااقف اتفرج علي عظمة خلقه

وادعيله من قلبك وقوله

كل حاجة

احكيله كل الي بيمر بيك

اطلب منه الغوث والعون

واتاكد انه لن يخيب رجاءك ابدااا

وصدقني هتعيش مرتاح البال

مطمئن القلب

لانك بدعائك ليه قويت الصلة بينك وبينه

اصبح بينك وبينه عمار بعد ماكان دمار وخراب

هتمشي في الدنيا وانت واثق انك علي حق

مش هتخاف ابداا

هتخاف ازاي وانت حاسس ان ربنا ااقرب ليك من

حبل وريدك

دعوة من قلبي بقدمها لنفسي قبل ما اأقدمهالكم

لو عاوزين الامكم تزول وخنقة قلوبك تخف

لو عاوزين ابتسامة محبة تكون عنوانكم

لو عاوزين الامل في بكرة يعشش علي داركم

ارفعوا ايديكم وقولوا


يااااااااااااااارب

قالولي اية هو الحب

قالولي .. كل ده ولسه ما كتبتيش
قلت ... شو بدي أكتب ..
جوايا حاجات كتير ..
احب تسمعوني
وتحاوروني
وتناقشوني
وتعترضوا أو توافقوني
في النهاية .. كلنا هنقبل بعض , ونحترم بعض .. وأكيد أكيد هنحب بعض
وعلي سيرة الحب ... دي أول حاجة اتكلم فيها
تحبوا تسمعوا .. ده لو تسمحوا ..

********

قالولي .. إيه هو الحب ؟؟
قلت .. هو كل حاجة
هو الحياة
يعني ببساطة القلوب لا تحيا بدون الحب
وأقول لكم علي حاجة كمان
متتنفس إلا بالأمل
هي مين دي ؟؟
القلوب انتوا نسيتوا
واشمعني بتتكلمي عن القلوب
علشان الي فيها هو الي بيخرج .. ونقابل بيه العالم
وكل أملي .. إننا نقابل العالم بأجمل وأروع وأحن قلوب ..
تيجو .. متترددوش
صدقوني
كل الجمال الي هتقبلوا بيه العالم .. هيرجع ليكوا جمال أروع مما حتي ممكن تحلموا
متقولوش ... ببالغ
أنا بتكلم عن تجربة .. وياريت أنتوا كمان تجربوا مش هتخسروا حاجة
بالعكس .. المكسب أكيد , ونسبة الربح مطلقة
اشمعني
لأنها هتكون من عطاء الله جل وعلا ..
الواحد الأحد .. مالك الملك
صاحب الكمال المطلق

لا إله إلا الله
هي بداية الحب .. بداية الجمال
بس ياريت نقلها صح!!!
إزاي؟؟؟
بسيطة نقلها من القلب
انتي يعني يعني جاية تقولي أننا مش بنقولها من القلب..
سؤالي .. احنا قلناها إزاي ؟؟ مش علشان كبرنا لقينا ماما وبابا وكل الي حوالينا بيقلوها .. فقلناها زيهم
لكن القلب محتاج يعرف ويتعلمها بنفسه
اه يعني ندخله مدرسة يعني
مضبوط
هو كده .. مدرسة , ربنا خلقها مخصوص علشان أهم درس لازم الكل يلاقي الفرصة إنه يتعلمه
والمدرسة كبيرة وعظيمة .. وبتنطق حوالينا
لا إله إلا الله
الكون كله .. بأسره .. كل آياته وروعتها من حوالينا
والآيات الي إحنا نحملها بداخلنا .. في أنفسنا
هي دى المدرسة .. فهل من تلاميذ ؟؟!!
دعوتي إن إحنا نعيد بناء إيمانا بالله علي علم
علم يولد اليقين
فيكون إيمانا بالله ... إيمان يقيني
ويكون حبنا ليه سبحانه وتعالي .. صادق خالص
وعن الإيمان .. والحب .. والجمال
هيكون كلمنا
إيه رأيكو
بسرعة قولولي.

شخشخ جيبك

شايف حال ولادنا واطفالنا وصل لفين...فكر كدة جايز تكون انت أحد الاسباب

أخوك وبيندهلك وبيقولك عشان خاطر ربنا .....ساعدني ......ياتري هتساعده مايغركش منظره الشيك ولا الشيشة الي في ايديه ده غلبان ... غلبان والله

معلش بس ركز معايا في الاية الكريمة ديه .. ممكن.. بعد اذنك طبعا

مَّن ذَا الَّذِي يُقْرِضُ اللّهَ قَرْضاً حَسَناً فَيُضَاعِفَهُ لَهُ أَضْعَافاً كَثِيرَةً وَاللّهُ يَقْبِضُ وَيَبْسُطُ وَإِلَيْهِ

تُرْجَعُون )َالبقرة 242
وكمان ديه
لَن تَنَالُواْ الْبِرَّ حَتَّى تُنفِقُواْ مِمَّا تُحِبُّونَ )آل عمران: 92

حديث شريف بقي كمان

يقول صلي الله عليه وسلم:" ما من يوم يصبح العباد فيه إلا ملكان ينزلان فيقول أحدهما: اللهم أعط منفقاً خلفاً، ويقول الآخر: اللهم أعط ممسكاً تلفاً" في الصحيحين

طبعا حال الشعب المصري والعربي كله لا يخفي علي أحد

انا بقي مش جاية أأقولك لازم تتصدق وفضل الصدقة و و و

ديه كلها أمور واضحة ومعروفة وأظن علماءنا الافاضل كلهم يتكلموا عنها أفضل مني ومنك ومفيش عليها خلاف وكلنا

عارفينها

طب أنا جاية أقولك ايه يعني

بصراحة كدة جاية أأقولك ومن غير زعل كلمتين بس

شخشخ جيبك

طلع يالا مستني ايه

أنا عارفة والله انك غلبان ومحتاج الي يديلك أصلا عارفة انت هتقولي

بس شوف كدة أول اية كريمة فوق ربنا بيقولك فيها ايه

ياغلبان لو خرجت لله مليم ربنا هيضعفهولك أضعاف أضعاف أه والله

بس بقي ماتسوقش فيها وتطلع جنيه من هنا وتقعد في بيتكم تستني خمسين جنيه تجيلك ربنا هيضاعفهالك اه والله ده كلام

ربنا لكن مش ضروري في صورة فلوس وبس ممكن بمليون صورة تانية

كمان عشان تنول البر لازم تنفق لازم تتعلم تعطي

تعالي كدة واتخيل معايا مصر لو كل واحد فيها معاه عشرة جنيه طلع منها جنيه

والله مها يبقي فيه واحد غلبان فيكي يامصر

الكل هينام متعشي وكمان متغطي

يالا بقي انت مستني ايه

ماتقلقش وربنا فلوسك راجعالك راجعالك وكفاية انك هتنول رضا ربنا عليك

يالا هتعمل ايه دلوقتي اول ماتخلص قراية الكلمتين دول

بص ياسيدي وده وعد منك طبعا

هتحط ايدك في جيبك او تروحي تفتحي شنطتك

وتنزل الشارع

اي حد تحس انه غلبان اديله الي تقدر عليك

الله يخليك بقي بلاش تعمل فيها ابو العريف وتقول ده يستاهل وده مايستاهلش وده معاه ومدكن وده راسم الغلب علي

وشه

انت نفسك اصلا غلبان ادي من غير ماتفكر

وصدقني

مش هتندم

بالعكس كفاية احساسك بس كدة انك فرحت انسان اسعدته ولو بحاجة بسيطة يا الله دي بالدنيا بحالها والله

مش عاوز تغيير وعمال تصرخ طول النهار وبعلو صوتك بتقول ياجماعة الناس غلبانة وتعبانة ليه مافكرتش لحظة ان

انت

ممكن تكون سبب من اسباب الفقر من اسباب السرقة هتقولي ازاي ماهو الحرامي ده لو حاس بأمان لو كان مطمن

انه هيلاقي قلب يحن عليه وايد تتمد له لما تتسد الابواب في وشه مكانش سرق

اوعي تفهمني ان بحلل السرقة ولا بعطي عذر للحرامي ابدا بس اعرف بقي ان في ناس بتسرق عشان تعيش...وده

حقها حقها انها تعيش

أرجوك

ماتبخلش علي نفسك بالفضل والثواب

وماتبخلش علي أهل بلدك ولو

بشق تمرة

كل يومين كدة ولاحتي كل أسبوع كل شهر مايضرش انما كل سنة حرام بجد عشان ربنا يباركلك

شخشخ جيبك

الخطوة الاولى

طبعا يا جماعة من بعد ما اتفقنا ان احنا لازم نحافظ على الصلاة كويس جدا

و حتى لو قصرنا نرجع نستغفر ربنا و نتوب و نواظب تاني

و معرفناش نواظب نستغفر تاني و نتوب تاني و نعرف ان ربنا دايما فاتح باب التوبة مش هيتقفل

و بعد ما سارة

اتفقت مع جميع قراء المدونة و احنا معاها نعامل بابا و ماما كويس جدا لأن دي من اهم صفات الاسلام مراعاه والديك

و بطة

اتفقت كمان معانا ازاي لازم نسامح كل اللي حولينا و نحاول بجد نسامحهم

------------------------------------------------------

بكدة يا جماعة يبقى كل اللي فعلا معانا و نفسه يعمل حاجة لو عمل كل دة يبقى بيجهز نفسه فعلا عشان هنبدأ مع بعض من النهاردة الخطوة الاولى

يا خبر يا شمس كل دة معملناش خطوة اولى

لا دة احنا كل دة بنجهز لرحلتنا اللي هنستعد بيها ان احنا نعمل حاجة

طب و اية الخطوة الاولي يا شمس

استحملوني بس اقلكوا على لقطة سمعتها في فيلم اجنبي كان فيها اب بيقول لبنته

"انك تأمني اني شخص مش وحش و جدير بالثقة دة في حد ذاته خطة رائعة لتقريب المسافات بينا "

الجملة دي يا جماعة اثرت فيه جدا عارفين لية

لانك و انت بتعامل اي شخص

بابا او ماما

اخوك او اختك

زمايلك حبايبك جيرانك معارفك

مجرد انك تحاول انك تهب ثقتك للشخص اللي قدامك و تحاول تكسب ثقته

دة هيكون خطوة كبيرة جدا في طريق المحبة بينكوا

يا جماعة احنا عشان

نعمل حاجة

اول حرف من الجملة نون

يعني لازم نجمع الاول

و قبل ما نجمع لازم نعرف ازاي نحب بعض

لو كنا نعرف بعض

بطة قالتلنا لازم الاول نسامح بعض

و ادينا بنكمل مع بعض عشان نعرف نحب بعض بعد ما نسامح بعض لازم نهب ثقتنا لبعض

لازم تثق فية و اثق فيك

يعني يا شمس ادي ودني لاي حد كدة

لا طبعا دة ربنا بيحب المؤمن الكيس الفطن

لكن انت اللي تقدر تميز الحلو من الوحش

انا مش معايا كاتالوج للناس

بس مش كل الناس وحشة

لا يا سيدي او لا يا سيتي انا هقلك الناس كلهم ما فيهمش الا اتنين بس حلوين

يبقى لازم نثق فيهم و نخليهم يثقوا فينا

يا جماعة احنا لو قدرنا نثق في بعض هنهد حواجز كتير اوي واقفة بينا

هنقدر نهد كل الحواجز دي و نعديها و نشوف بعض عشان نحط ادينا في ادين بعض

و نبقى ايد واحدة

ساعتها نعمل حاجة

و لا انتوا اية رايكوا

كلم قلبك

كدة لا عيب والله مايصحش طب بالراحة شوية طب فين التساااااامح يابنااات

بالله عليكم كدة ينفع ؟؟؟؟؟

الله عليكم يارب يارب تفضلو كدة علطوووووول قل اعوذ برب الفلق

ااقرا البوست

بقي

وانت هتفهم

ويارب يكون كويس

ونقدر نعمل حاجة

يطلع عليكم الان رجلا من اهل الجنة

ثلاثة أيام

في المسجد

والرسول يكررها

ا
يطلع عليكم الان رجلا من اهل الجنة

فاذا برجل من الانصار يدخل وماء وضوئه يغمر وجهه فيسلم ويجلس يتكررالكلام ثلاثة ايام

فتساءل

الصحابي الجليل

عبد الله بن عمرو بن العاص

بينه وبين نفسه

ماذا يفعل هذا الرجل

ليقول عنه رسول الله انه من اهل الجنة

فذهب اليه وطلب منه استضافته

وبقي عنده ثلاث ليال

فلم يجد منه شيئا زائدا عما يفعل

فتعجب

وساله

فكان رد الانصاري

بكل بساطة

هو إلا ما رأيت غير أني لم أجد في نفسي لأحد من المسلمين غشا ولا أحسده على خير

أعطاه الله إياه

يا الله

اهل الجنة لانه لايحمل في قلبه الا كل حب

اخي العزيز

اختي العزيزة

ممكن طلب

بسيط

والله بسيط

غمض عنيك

اه والله

بتكلم بجد

غمض عنيك

وحط ايدك علي قلب

ياعم بجد مستعجب ليه

علي قلبك

عارف مكانه فين شمال فوق

وكلمه

اه والله العظيم بكلمك بجد

كلم قلبك

ايه المشكلة...عادي

اساله

انت زعلان من مين

شايل من مين

وليه وعشان ايه

بقولك ايه ياقلبي

ماتيجي نسامح

نغفر

قلت ايه

ازاي بس

حقيقي ماقدرش ماقدرش

ليه بس

صدقني ياقلبي هترتاح

وكمان ياسيدي

انت مش عاوز تكون من اهل الجنة ولا ايه

طبعا نفسي

بس انا مجروح قوي والناس ديه غلطت فيا قوي

يا اخي نسامحهم

نكون احنا احسن منهم

وشوف جزائنا بقي ياعم هيكون ايه

الجنة الجنة الجنة

طب افرض سامحتهم وجرحوني تاني

وايه يعني

سامحهم تاني

بص ياقلبي

تعالي نتفق علي حاجة حلوة هتعجبك

احنا هنسامحهم مش عشانهم لا عشانا احنا

اه والله عشانا احنا

ازاي بقي ان شاء الله

هقولك ازاي ياسيدي

اولا لما تسامح وتغفر هتنام وانت مرتااااح من غير ماتقعد تفكر تنتقم ازاي وتاكل في نفسك

كمان لما تسامح

هتشوف الدنيا حلوة والحياة جميلة وعمرك مها تكره ولاهتشيل من حد

لا بقولك ايه ماتقولش دي طيابة وخيابة وعبط لا

بالعكس ده حب وحنان وقلب كبير وضمير نقي ونضيف

قلت ايه بقي ياقلبي غلبتني

عشان تعرف تنام

هتسامح عشان تروح

الجناااااااااااان

اه

اه

هسامح

هسامح

هساااااااامح

شاطر شاطر

يالا بقي شيل ايدك من علي قلبك خلاص بقي طاهر ونظيف

وفتح عينيك

وابتسم

ارجووووووووكم

كلنا نعمل كدة

والي مش هيعمل كدة

هزعل منه

حبة اااااااااد كدة

معاكم موبايلات

طب تليفونات

طب معاكم رجليكم

انزلوا بسرعة

وقولوا لكل الي انتم زعلانين منهم

سامحتك

سامحتك

ساااااااااااااااامحتك

ونشوف بعض بقي فين؟؟

قولوا انتوا فين؟؟

في الجنة طبعااا

عشان خاطر ربنا

نفذوا بجد بقي

عاوزين كلنا

نعمل حاجة

وياريت

ياريت

الي عمل كدة وسامح حد بعد ما قرا البوست بتاعي

يقولي

عشان افرح

نفسي افرح بجد

* صفحة جديدة *

تيجوا نعمل حاجة

اذا كنتم معايا ان مشاكل البلد ومشاكل المجتمع هى مجرد انعكاس لمشاكلنا الشخصية

تعالوا نعمل حاجة

تعالوا ندور جوانا نشوف احنا عيوبنا ايه

ونحاول نصلحها

اذا استطعنا فالحمد لله

وان لا فشرف المحاولة يكفى مع محاولات اخرى

انا هادور وانتوا كمان

تعالوا نحاسب نفسنا بنفسنا

ونعمل زى ماربنا أمرنا فى قوله الكريم

" ان الله لا يغير ما بقوم حتى يغيروا ما بأنفسهم "






انا هاتكلم النهاردة عن طاعة الام

ومش هاقولكم انى باسمع كلام ماما

وماما بتجيبلى شيكولاته

لالا احنا جيل واحد

معظم مشاكلنا واحدة او متقاربة

اه انا وماما كتير بنختلف

وده انا شايفاه طبيعى

اختلاف جيل وثقافة وفكر

اه باضايق جدااا من بعض تصرفات امى

وهى كمان يتضايق مننا ساعات ... لا كتير












لكن فى النهاية وبعد كل الاختلافات

مامتى ومامتك عايزة ايه ؟؟؟

محدش هيختلف انهم عايزين مصلحتنا

اه رؤيتهم بتختلف عننا

وده محور المشكلة

لكن تعالوا نفتح صفحة جديدة

ونهدى شوية من غير عصبية ومن غير عند

نحاول فيها نرضى الاهل

مادامت طاعتهم فى غير معصية لله

وكمان نعمل اللى احنا مقتنعين بيه


الحوار وسيلة هايلة

اه الكبار دايما بيشوفوا نفسهم على حق

لكن معلش احنا نحاول نقرب

ونحاول نوصلهم وجهة نظرنا

وصدقونى بجد احيانا بيقتنعوا

وعشان نشوف احنا اد ايه مقصرين

تعالوا نقرا ده


يذكر ان رجلا قابل عمر بن الخطاب رضى الله عنه وقال له

" ان لى ام بلغ بها الكبر ، حتى انها لا تقضى حاجتها الا ظهرى لها مطية

(اى انه يحملها الى مكان قضاء الحاجة)

فهل اديت حقها ؟؟؟

قال لا

لانها كانت تصنع لك ذلك وهى تتمنى بقاءك

وانت تصنع لها ذلك وانت تتمنى فراقها .....

تعالوا نتفق معاهم

نقولهم على نيتنا نكون مطيعين ومؤدبين

ونربع ايدنا ونتكلم بصوت هادى كمان

ونطلب منهم يساعدونا

طبعا الاهل عليهم دور كبير

عشان يساعدوا اولادهم على طاعتهم

كما قال رسولنا الكريم

" من كان يؤمن بالله واليوم الاخر فليعن ولده على بره "


ودلوقتى انا هابدأ


ماما

ايه رايك نعمل هدنة ؟؟

ونحاول نفهم بعض

ونوصل لحلول وسط لاى نقط اختلاف


تفتكروا ممكن ؟؟

s@ra